Bakıda daha bir beynəlxalq tennis yarışı davam edir. Gənclər və İdman Nazirliyinin dəstəyi, Azərbaycan Tennis Federasiyasının təşkilatçılığı ilə J60 tennis yarışı keçirilir. Bakı Tennis Akademiyasında təşkil edilən turnirə sentyabrın 29-da start verilib. Beynəlxalq yarışda ölkəmizi Tamerlan Kərimov, Elvin Haşımov və Nazim Məlikov təmsil edir. Turnir oktyabrın 6-da başa çatacaq.
