Bakı Tennis Akademiyasında "Porto Hotel Tennis League" turnirinin dekabr buraxılışı başa çatıb.
İsmail Akıncı 2-ci liqanın kubokunu, 200 AZN mükafat və Porto Hoteldən hədiyyə qazanıb.
Tofiq Süleymanov isə 2-ci yeri tutaraq 100 AZN və ən pozitiv oyunçu kimi Happy Moons restoranına 50 AZN-lik kupon qazanıb.
Əziz Manafov 3-cü liqanın kubokunu və 150 AZN, 2-ci yeri tutan Emil Məmmədov isə 75 AZN mükafat qazanır.
Fərid Yarıyev 4-cü liqanın kubokunu və 100 AZN, Fatih Gök isə 50 AZN qazanır.
Tennis Liqasının bütün nəticələri, reqlamenti, statistikası ilə 3 dildə fəaliyyət göstərən https://liga.bta.az/az/ saytında tanış ola bilərsiniz.
Liqanın məqsəd və vəzifələri
- Tennisin Azərbaycanda inkişaf etdirilməsi və populyarlaşdırılması
- Tennis həvəskarlarının güclərinə görə qruplara bölünməsi, rəqib tapmaq probleminin aradan qaldırılması (cari ayda 4-5 matçla təmin etməklə)
- Həvəskar tennisçilərin ustalıq səviyyəsinin artırılması
- İdmançılar arasında dostluq əlaqələrinin möhkəmləndirilməsi
Liqada aylıq iştirak haqqı 10 AZN, ümumi mükafat fondu isə 1500 AZN-dir.